الجبن من مطبخي(بالصور اكيد)
السلام عليكم ورحمة الله
سمعت وصفة ديال الجبن في الراديو
و جربتها
طبيعية سااااااهلة و المهم تايجي الجبن بنين
المقادير:
لتر حليب
لتر اللبن
الملح حسب الرغبة
الطريقة:
نغليو الحليب
و نخليوه بفيض ل 2 او 3 المرات
من بعد نزيدو عليه الملح
نديرو اللبن في طنجرة الضغط الكوكوت تم نضيفو عليه الحليب بمجرد منحيدوه من النار
و نسدو الكوكوت مزيان
و نلويو عليها شي غطاء باش يحافض اكبر مده على الحرارة
ن خليوه واحد ساعتين او 3
اتلاحظو ملي تحلو الكوكوت انا الماء طالع الفوق و تجمع الجبن
خودو طرف التوب و صبو فيه الخليط
و خليوه حتى يتقطر من الماء
و قدموه بالهناء و الشفاء
اوا سمحولي الا طولت عليكم
هاهي المراحل بالصور
و بعد مرور ساعتين
اوا نديروه يتسقطر من الماء
و ها النتيجة:
اوا كيجاكم
جربوه ايصدق 100 في المية
و بنين بحال الى شاريينو
واهم شيء انو طبيعي
و عارفين اش دايرين فيه
